香港新浪網 MySinaBlog
希樹 | 31st May 2007 | 愛。學習 | (684 Reads)

2007年5月31日 陰 (熱 =-=")

今日係上第一堂的INVESTMENT,老闆好好人俾我早半小時收工返學,嘻嘻!

 (閱讀全文)

希樹 | 21st May 2007 | 愛.生活 | (230 Reads)

2007年5月21日(一) 雨 emoticon

今日係第一日上班的日子,當然執得靚靚返新工喇...

 (閱讀全文)

希樹 | 18th May 2007 | 愛。Snap Shot, 愛。Travel | (547 Reads)

2007年5月18日(五) 雨天emoticon @台北

陳主任幫我地影左不少靚相,我地都唔執輸偷拍了不少有趣的相,哈哈~!

在此再一次衷心多謝以下人仕:
攝影師 - 陳世泓主任
燈光師 - 小邱
造型師 - 青靖
服務員 - 小羽

當然仲有香港vivi的店長秀玲姐、Kitty同小雲喇~! emoticon

emotion 溫馨提示:Password 是 HaPPy 的手提電話~!

 (閱讀全文)

希樹 | 17th May 2007 | 愛。Travel, 愛。Wedding | (436 Reads)

2007年6月17日 陰天 (台北) 

幸好尋日係Dragon Air 的網頁度做左 online check-in,今日可以訓多一點點時間,但都要清晨5點幾起身,事關....我無諗過幾點要出門口的問題,懶叻咁book了晨早第一班機.....8:15am 起飛.....到出發前才發覺我地要早2-3個鐘到逹機場,如果無online check-in,我要4點幾起身,5點前要出門口,唉...我地都算不幸中的大幸...emoticon

07:00 左右便去到機場....online check-in 都要早45mins ga...機場最近實施新的出境條例 - 攜帶液體、凝膠狀物體及壓縮氣體之限制,我仲以為會拖慢了登機的進度,原來都幾快喎,咁當然要大家合作LA.....最衰係唔俾帶超過100ML的液體,搞到我無得帶水上機,入到禁區範圍想買水飲,見到一支細細支的水都要16元,嚇到唔敢買,幸好我未入禁區已經飲夠水。

TW - VIVI Trip day1  無得選擇的飛機早餐,味道一般la....

10點幾便落機,我地立刻去兌換台幣,D人個個都話係台北機場裡兌會高D....都唔係的 emoticon 唔知係咪我黑仔,因為尋日才係香港兌左少少台幣旁身,當時係 HKD1:TWD4.1667,但係台北機場兌係 HKD1:TWD4.1200 ,仲要俾多TWD20手續費,但都無辨法...

兌好台幣便去做visa,係果度發現左d有趣野.....就係填form的地方竟然有3副不同程度的老花眼鏡供大家使用,最衰果度唔俾影相 >3<。台灣的落地簽證只係TWD200一個人又幾抵喎...又方便...嘻嘻

差不多11點便完成了整個入境過程,再去搭飛狗巴士去酒店。嘩! 我從未坐過咁闊的旅遊巴,個位闊到好似坐頭等咁,仲要有電視...當然播緊梁小冰的 "梁山伯與祝英台" ....唔覺唔覺就坐左成個鐘...唔覺唔覺便到 東龍大飯店。

....估唔到係咁陳舊的,但幸運地11點幾便有房俾我地,都係第一次遇到...咁我地好開心地上房,點知....一開門發現間房無窗的..........有冇搞錯,我係永安book酒店時咪講左要有窗,隻窗去左邊 =-= 個職員又話酒店一定有窗的....鳴....鳴....(但唔知點解我地無諗過要求換房...唉...算...) 幸好這裡有free internet...哈哈...^^ 我之前已經上網check過,所以已經帶了laptop過來,但無帶network線,好在服務台小姐借左俾我地 ^^

TW - VIVI Trip day1
無窗的房,但都ok乾淨.....

之後我地極速整理好行李便出發去 "薇薇新娘"(以下會用vivi代替 ^^),我帶了nu bra、薇薇的invoice、地圖、仲有功課 (我事先已經黏了乳貼,因為唔知會唔會用nu bra)。我地先去尋捷運 <西門站> ,原來都好近酒店,大約行10mins左右便去,見仲有時間我地便去左附近的 <八方雲集> 食水餃同窩貼,仲試了佢的花技丸湯....原來只係一杯清湯裡面有3粒墨魚丸...

TW - Vivi trip day1
無湯的水餃....

TW - Vivi trip day1
這個好似叫花技丸湯

TW - Vivi trip day1
好味的窩貼....仲好得意...長長的...就係咁吸引左我去試食佢, 味道ok

食飽飽便正式出發去Vivi,台灣的捷運有d似日本的JR,所以我地好容易地買了車票,台北的車票好得意,張張唔同公仔GA...@@ 但有D好似廣告 =-=" 不幸地...我地一落車便行了相反方向,行左頗長時間才發覺唔對路,小J便發揮佢的小宇宙...用佢有限的普通話來問路....我係一個完全唔識普通話的人...聽都少少明,但講就口啞啞....

TW - VIVI Trip day1

Picture

原本我地約了14:00試衫,如果唔係行錯路我地應該可以係13:45便到,可是我地去到已經14:10....><" 一入門口便見到好多人係度揀相,但無時間去八卦人地影成點,因為好快就有職員帶左我地入去試衫。除左我地,仲有2pairs香港人來試衫,佢地好似表姐妹來的...佢地一路試一路傾計,所以便知道佢地係香港人...^^

幫我試衫個女仔好好人,但佢無介紹自己...唔知叫乜名...叫住試衫姐姐先la ^^
首先,佢check下我個package包左d乜衫,之後佢就建議我著2套婚紗、3套晚裝同1個古裝,又問我鐘意d乜款,咩顏色等等...由於我唔識講,所以一早準備了....張我喜歡的款式都print了出來....

首先,試衫姐姐叫我先選晚裝,vivi用了3個大衣櫃放滿了唔同的晚裝,我同試衫姐姐一齊好努力揀衫、試衫,而小J就好似睇FASHION SHOW咁...好唔好都會俾小小意見 ^^ 其實佢好多衫都好靚,件件都好想著....><" 搞左好耐才選好了一件粉紅色的晚裝,件衫好靚,好多LACE..好有公主FEEL ga....我一著上身便愛上了佢,連小J都話好好睇 (係好難得GA ^^").....

之後我地又繼續努力,不久試衫姐姐便笑我,話我只睇粉紅色的衫,問我係咪好鐘意粉紅色...HAHA....無錯^^ 之後佢便教我一定要搵唔同顏色,仲要有深有淺影出來才好看....嗯嗯,我都覺得佢講得好啱,之後我便從紫色入手...因為我皮膚黑,好多顏色都會著得唔好睇,所以只搵D淺紫的,深紫看得有D黑...唔係咁啱我。幾經辛苦便搵到件雙色的紫色裙,之前係網上已經見到有個女仔著影出來好靚,有D籃有D紫咁....著上身也很好看...^^

最後的晚裝真係無乜頭水....原本試衫姐姐叫我著紅色的,但後來諗起我們的古裝都係紅色...便又要諗過...翻下翻下睇到件紅紅藍藍的幻彩裙,點知..我想攞佢落來的整斷了隻指甲,鳴..鳴...我為了來影相特登留的...試衫姐姐便立刻幫我修番好隻指甲,仲話幸好無入肉,唔係的話會好痛....係喎,我無諗過會肉痛,只係心痛隻指甲短了一大節,佢仲安慰我話影相唔覺眼的...唉...無了就係無了,都唔會一晚長番GA LA,唔算都唔得。幸好果條衫著上身好好睇,用我的小指甲換了靚靚裙都算抵的 ^^

終於到緍紗了,試衫姐姐好快便搵到一條類似我想要的款,勁開心...立刻試上身,原本小J唔多鐘意,佢話係前面看好簡單又普通,只有拖尾靚....但我勁鐘意,而且有d日本feel...俾我講下講下,小J無奈亦要OK了,哈哈...

搵第2件緍紗便頭痛....試了N咁多件都覺得唔好睇,但我見到另一個香港女仔著了件好靚的婚紗,心裡非常希望佢便唔揀..可惜佢最後都要了...>3<.....幾經努力才搵到另一件襯我的婚紗,佢身上有D銀線突出了上半身,後面的拖尾好多LACE好靚...^^  最後我用了差不多2個鐘便擇好晒D衫,我離開試衫房時,果2個女仔都仲未擇好,其中一個的BF仲ZZZ了.....睇下小J幾好...HEHE

之後,試衫姐姐將我地交左俾小羽,小羽高高瘦瘦仲係靚女一名 (唔知佢係咪得22寸小蠻腰呢?!),小羽先同我地解釋一陣去試男裝的程序,仲話男裝果邊一定SELL我地upgrade d 衫,又提我地記得睇budget,因為佢地upgrade係好貴的。我地之前已經收到風,早就係金都用了 $150 租了一套金色的背心+豬腸tie,小羽知道便叫我地可以同果邊講,咁果邊就唔會點sell我地....小羽知道我地做了功課來,佢仲非常好人地主動幫我們約陳sir來睇我地的功課,搞掂好一齊小羽便帶我地去隔....隔離的 "竿翔男仕服" 介紹了果邊的Mandy俾我地便返去vivi了....

我初初感覺Mandy係無乜禮貌,已經有點.....之後mandy便俾左本相簿我地睇,問我地鐘意d乜款,仲話我地個package只會包基本的禮服,款式好普通....之後就不斷sell我地upgrade d乜乜、乜乜,我地同佢講我地已經有背心同豬腸tie....佢便轉軚sell我地upgrade 禮服,我八掛地問左一件...要成TWD8000....=-=" 咪成HK$2000,不如我係金都租一套來都唔使咁貴。之後我地便話要最BASIC便OK,MANDY便立刻黑面....有冇搞錯,咁的服務都有,激死我 =-=" 小J個子唔高,果然著燕尾唔係好得....最後選了一黑一白的平腳款.....搞掂衫便試鞋,MANDY話俾了最細的鞋小J試,但都大了少少....我地再問多次有冇再細DD...佢一句話無 =-=" 咁我們便話這個OK...極無奈... 之後佢便關門不見了,我地呆了一陣都唔知發生咩事,便換番對鞋走人 (唔知係咪台灣人的習慣,好多時木地板都係要除鞋的...),當我地想落番地下時,MANDY又唔知係邊閃出來,同我地講D衫今晚便會送去VIVI度.....怪人一個 =-="

16:30左右已經揀好晒衫,小羽幫我地約了陳sir 19:00,見有時間便找找地圖有咩地方好行,原來vivi附近都係d銀行多,我估係一個商業區來的,我地唯有搭捷運係中山站下車八卦下,我們先去行行百貨公司、大大小小的舖頭,係三越對面的一間幾層高的雜貨舖度搵到我想要好耐的日式小茶亢,之前去sanrio問過要訂kitty的小茶亢要$2xx,幸好當時無訂,宜家我只需要TWD99便買到,嘩! HK$30都唔使...勁開心,雖然個公仔唔多靚,係一個PANDA來的 ....但目前慳錢係最重要^^

之後我地再去 "肥前屋" 度食DINNER,係旅遊書介紹的...^^ 之前KITTY、秀玲姐同小羽都提我地影相前小心飲食,我估食日式熟食會好安全的^^ 我們點了小的鰻魚飯、豬扒飯、日式蛋蛋,仲有串燒...好好味,但個蛋蛋好似唔夠香港整得好味喎...

食飽飽便返去VIVI,我們預早左少少,因為小羽話陳SIR 6點左右便返,我們希望早D搞掂可以返酒店.....可惜,原來陳SIR係返來拍室內景仲未OK,小羽便俾左張FORM我地填.....好詳細咁.....要點影、要咩風格、想去咩地方等等都有.....小J累到坐坐下ZZZ了..唯有我一個人努力填LA......

差不多19:30終於見到陳SIR...好型佬^^ 嘻嘻....原來.....陳SIR唔識廣東話....><"" (幸好我BOOK了青靖出街,明天有人翻譯...^^) 我有D雞同鴨講,小J非常努力運用佢的小小普通話,幸好有做功課...陳SIR睇完大約都知道我地想要D咩 STYLE,我地仲要用紙筆來溝通,好在我識中文 =-=""" 之後我地累累地返酒店休息,希望明天好天氣!!!!

By HAPPY


希樹 | 16th May 2007 | 愛.生活 | (216 Reads)

2007年6月16日 晴 

今日很繁忙,真係由朝忙到深夜 =-="

因為今日係我在MAHK的最後一天,三年的時間眨下眼便過了,估唔到我可以捱到咁長時間,哈哈! (我係咪好叻女呢?...^^)

 (閱讀全文)

希樹 | 16th May 2007 | 愛。Travel, 愛。Wedding | (597 Reads)

2007年5月16日(三)

今日收工後便趕急地去金都....

去完金都攞了預先租了的 "禮服用背心" 和 "豬腸領帶",我們便去旺角逛逛,想買一隻合心意的KUROMI公仔....帶佢去台灣玩同佢影相相,可惜....我地搵極都唔啱心水...算吧,我地有緣再見LA.....~><~ (早知上次便買你回家喇~!)搞到差不多九點我地先去大家樂食飯...好累............

食飽飽便回家收拾行李,唉,唔知有冇帶漏野呢~?!
明天一早便出發去台北喇...心情有d緊張.....幸好可以ONLINE CHECK-IN,唔係的話我估我要4點幾起身,5點幾要去到機場.....咁就大大大獲了.............
今朝去台灣氣象局個網頁check過...竟然係有雷雨......好膽心....(上星期CHECK明明係好好太陽ga......真係天氣難測....無奈~!)

 (閱讀全文)

希樹 | 8th May 2007 | 愛。集文 | (166 Reads)

哈哈~!

個Blog的基本設定已經完成了,係咪好靚靚呢? ^^ Picture

by Happy Picture